>سكت من ال ........... <

سكت من ال ............................


سكت !! ( من الفرحة )
اول ما شفت عنيه ولمست اديه
وعرفت انه الحب الحقيقي وقررت اعيش ليه !!! وسكت



سكت !! ( من الذهول )
يوم ما لقيت حجات كتير في حياتي بحبها بتروح حاجه ورا التانيه
وانا مش عارفه اتصرف وواقفه بشوف كل حاجه بتروح من بين اديا وانا بتفرج !!! وسكت



سكت !! ( من الصدمه )
يوم ما شفت الي قلت عليه حبيبي واتكتب ليا وبقى نصيبي
بيبص وبيتغزل في عين واحده تانيه نفس الكلام الي كان بيقوله ليا
كان بيقولي عنيكي اجمل عنين في الدنيا ... وبيقولها نفس الكلام !!! وسكت




سكت !! ( من الحيرة )
لقيتني فجاه وقعت في خيارين ولازم اخد قرار
اسيب الي بحبه بسبب خيانه واعيش مجروحه
ولا اكمل معاه وانا عارفه خيانته ليا واتحمل لاني مقدرش اعيش من غير هواه
كان اصعب قرار خلاني عايشه في وسط نار !!! وسكت




سكت !!! ( من الجرح )
يوم ما جالي وقلت ده اكيد جه علشان يصالحني ويقولي عمري ما حبيت غيرك
وعنيكي هتفضل في نظري اجمل عيون انا جاي اترجاكي تسمحيني
بس للاسف لقيته جاي بيديني كل حاجه معاه تتعلق وتفكره بيا
وقالي ارجوكي انسيني ودي اخر حاجه بينا !! وسكت



سكت !! ( من العذاب )
يوم ما لقيت نفسي عايشه لوحدي طلعت من جنه جميله لنار لهيبه
بتحرق أي حاجه حلوه حواليها مبتعرفش رحمه بتحول الوان الحياة كلها للون واحد
بتحول كل حاجه كبيره وصغيره لمجرد رماد بيطير في الهوا
يوم ما حسيت بشوك في طريقي وفي حياتي وفي كل حته بكون فيها بيجرح فيا
ودمي بيسيل على الارض مع دموع عينيا !! وسكت




سكت !! ( من الخوف )
لما كان بيعدي عليا ايام وسنين لوحدي في وسط ضلام
ومحدش جنبي ولا بسمع أي همس ولا كلام
والموت بيقرب مني وقرب اوي يوصل عندي
وحتا وقت موتي هموت لوحدي !!! وسكت