فراقنا قدرنا

فراقنا قدرنا..نصيبي ونصيبك
فراق باختيارنا..تسيبيني واسيبك
قابلتك جريحة..داويتك خلاص
لقيتك صريحة..وعايزة الخلاص
وسيبتك لأني..ما كنتش حبيبك
ولو حبيتيني..ما كنتش حسيبك
*
قابلتك وقلبك..ندهلي وجالي
وقلتي بحبك..عشان محتاجالي
من أول دقيقة..وصلتني الحقيقة
ورغم اني عارف..حدود الحكاية
لقيتني بحبك..وناسي النهاية
*
حكايتك حتفضل..حكاية حياتي
وعمري ما حانسى..طريق ذكرياتي
لو قدرك تروحي..انا شايلك في روحي
في عيني ابتسامة..يا ريتها في عينيكِ
لا تبكي عليّا..ولا ابكي عليكي